«Адал азамат» біртұтас тәрбие бағдарламасы білім алушыларда негізгі құндылықтарды қалыптастырудың стратегиялық бағдарларын айқындайды. Бұл құндылықтарды іске асыру оларды оқу пәндерінің мазмұнына, оқыту әдістеріне және білім беру ортасын ұйымдастыруға жүйелі түрде кіріктіруді талап етеді.
Негізгі тәрбие басымдықтары:
- Конституция құндылықтары;
- «Еңбек адамы» құндылығы;
- «Заң мен Тәртіп» қағидаты;
- «Таза Қазақстан» қағидаты;
Күнделікті:
«Ұлттық ойын – ұлт қазынасы» – үзіліс кезінде білім алушылардың бос уақытын ойын түрінде ұйымдастыру – асық, тоғызқұмалақ, бес тас және т.б.
«Өнегелі 15 минут» – ата-аналардың баласымен мінез- құлық және адамгершілік туралы күнделікті 15 минут жеке әңгімелесуі.
«Үнемді тұтыну» – суды, тамақты, энергияны тұтыну бойынша күнделікті табиғи ресурстарға ұқыпты қарауды қалыптастыру: жадынамалар, нұсқаулықтар мен парақшалар әзірлеу
«Күй күмбірі» – қоңыраудың орнына күйді пайдалану, сондай-ақ үлкен үзіліс кезінде күй тыңдау.
Біз әрбір оқушының мектеп қабырғасында өзін қауіпсіз, жайлы сезінуіне және жан-жақты дамуына толық жағдай жасаймыз.
